எட்டாந் திருமொழி

(1518)

மான்கொண்ட தோல்மார்வில் மாணியாய், மாவலிமண்

தான்கொண்டு தாளால் அளந்த பெருமானை

தேன்கொண்ட சாரல் திருவேங் கடத்தானை

நான் சென்று நாடி நறையூரில் கண்டேனே.

விளக்க உரை


(1519)

முந்நீரை முன்னாள் கடைந்தானை மூழ்த்தநாள்

அந்நீரை மீனா யமைத்த பெருமானை

தென்னாலி மேய திருமாலை யெம்மானை

நன்னீர் வயல்சூழ் நறையூரில் கண்டேனே.

விளக்க உரை


(1520)

தூவாய புள்ளூர்ந்து, வந்து துறைவேழம்

மூவாமை நல்கி முதலை துணித்தானை

தேவாதி தேவனைச் செங்கமலக் கண்ணானை

நாவாயு ளானை நறையூரில் கண்டேனே.

விளக்க உரை


(1521)

ஈடா அரியாய் இரணியனை யூனிடந்த

சேடார் பொழில்சூழ் திருநீர் மலையானை

வாடா மலர்த்துழாய் மாலை முடியானை

நாடோறும் நாடி நறையூரில் கண்டேனே.

விளக்க உரை


(1522)

கல்லார் மதில்சூழ் கடியிலங்கைக் காரரக்கன்

வல்லாகங் கீள வரிவெஞ் சரம்துரந்த

வில்லானை, செல்வவிபீடணற்கு வேறாக

நல்லனை நாடி நறையூரில் கண்டேனே.

விளக்க உரை


(1523)

உம்பருலகோடு உயிரெல்லாம் உந்தியில்

வம்பு மலர்மேல் படைத்தானை மாயோனை

அம்பன்ன கண்ணாள் அசோதைதன் சிங்கத்தை

நம்பனை நாடி நறையூரில் கண்டேனே.

விளக்க உரை


(1524)

கட்டேறு நீள்சோலைக் காண்டவத்தைத் தீமூட்டி

விட்டானை மெய்யம் அமர்ந்த பெருமானை

மட்டேறு கற்பகத்தை மாதர்க்காய் வண்துவரை

நட்டானை நாடி நறையூரில் கண்டேனே.

விளக்க உரை


(1525)

மண்ணின்மீ பாரங் கெடுப்பான் மறமன்னர்

பண்ணின்மேல் வந்த படையெல்லாம் பாரதத்து

விண்ணின்மீ தேற விசயன்தே ரூர்ந்தானை

நண்ணிநான் நாடி நறையூரில் கண்டேனே.

விளக்க உரை


(1526)

பொங்கேறு நீள்சோதிப் பொன்னாழி தன்னோடும்

சங்கேறு கோலத் தடக்கைப் பெருமானை

கொங்கேறு சோலைக் குடந்தைக் கிடந்தானை

நங்கோனை நாடி நறையூரில் கண்டேனே.

விளக்க உரை


(1527)

மன்னு மதுரை வசுதேவர் வாழ்முதலை

நன்னறையூர் நின்ற நம்பியை வம்பவிழ்தார்

கன்னவிலும் தோளான் கலிய னொலிவல்லார்

பொன்னுலகில் வானவர்க்குப் புத்தேளி ராகுவரே.

விளக்க உரை


 
வருகை பதிவு

அறிமுகம்

உள்ளடக்கம்

இணைப்புகள்

Follow us on

எங்களைப் பற்றி
தள அறிமுகம்
அறிவிப்பு
கடிதங்கள்

தொடர்பு
பிரபந்தம்
திவ்ய தேசங்கள்
கதைகள்
கட்டுரைகள்

பக்தி இலக்கியம்
வைணவ இணைய தளங்கள்
வலைப் பூக்கள்


Facebook
Twitter



 
 
Sitemap | Disclaimer
© Dravida Veda | All rights reseved
Web Design - Purple Rain