(1008)

அங்கண்ஞாலமஞ்ச அங்கோராளரியாய் அவுணன்

பொங்கவாகம்வள்ளுகிரால் போழ்ந்தபுனிதனிடம்,

பைங்கணானைக்கொம்புகொண்டு பத்திமையால், அடிக்கீழ்ச்

செங்கணாளியிட்டிறைஞ்சும் சிங்கவேள்குன்றமே.

பதவுரை

அங்கு	-	(‘நீ சொல்லுகிற விஷ்ணு இங்கில்லை’ என்று இரணியன் சபதஞ் செய்த) அவ்விடத்திலே
அம் கண் ஞாலம் அஞ்ச ஓர் ஆள் அரி ஆய்	-	அழகியதாய் விசாலமான பூமியிலுள்ளாரெல்லாரும் பயப்படும்படியான ஒப்பற்ற நரசிங்கமூர்த்தியாய் (எம்பெருமான் தோன்றினதைக் கண்டு)
அவுணன் பொங்க	-	இரணியன் கிளர்ந்த வளவிலே,
ஆகம்	-	அவனது உடலை
வள் உகிரால்	-	கூர்மையான நகங்களாலே
போழ்ந்த	-	இருபிளவாகப் பிளந்த
புனிதன் இடம்	-	பரம பரிசுத்தனான எம்பெருமான் எழுந்தருளியிருக்குமிடமாவது;-
செம் கண் ஆளி	-	(சீற்றத்தால்) சிவந்த கண்களையுடைய சிங்கங்களானவை
பை கண் ஆனை கொம்பு கொண்டு	-	பசுமையான கண்களையுடைய யானைகளின் தந்தங்களைக் கொணர்ந்து
பத்திமையால்	-	பக்தியினாலே
அடி கீழ்	-	(பகவானுடைய) திருவடிகளிலே
இட்டு	-	ஸமர்ப்பித்து
இறைஞ்சும்	-	ஆச்ரயிக்கப்பெற்ற
சிங்கவேள் குன்றம்	-	அஹோபிலமென்கிற சிங்க வேள்குன்றமாம்.

English Translation

Singavel-Kundram is the place where the pure Lord came as a man-lion,-while the world stood awe-struck,-and tore the Asura Hiranya’s chest with his claws. Red eyed lions offer worship by heaping elephant tusks at his feet with reverence.